1. نزّل نسخة دافنشي من صفحة التحميل، فك الضغط وشغّل المثبّت. هيعمل أيقونة EditFast على سطح المكتب.
2. افتح EditFast، وسجّل دخول بنفس إيميل وباسورد الموقع.
3. افتح دافنشي ريزولف (المجاني أو Studio، نسخة ٢١ فأحدث) وافتح مشروعك.
4. من فوق في دافنشي، مرة واحدة: Workspace ← Scripts ← EditFast. شاشة EditFast هتقولك «متوصّل» واسم التايملاين هيظهر فوق.

الخطوة الأخيرة مرة واحدة كل ما تفتح دافنشي — دافنشي ٢١.١ المجاني مبيشغّلش بلاجنز، فـEditFast بيتوصّل بيه من قائمة Scripts. ولو عايز الشاشة تفضل فوق دافنشي، دوس على الدبوس تحت.

1. افتح التايملاين اللي هتشتغل عليه في دافنشي.
2. اكتب اللي عايزه بكلامك — مثلًا: «شيل التكرار والسكتات وحط كابشن كاريوكي»، أو «لوّن الفيديو».
3. اختار عمق التفكير من فوق، والرصيد جنبه. للطلبات الكبيرة خليه يفكّر أعمق.
4. أي قص بيوريك خطة الأول، وتوافق عليها. وأي سكربت جوّه دافنشي بيوريهولك قبل ما يشتغل.

القص والتلوين بيتعملوا على نسخة من التايملاين اسمها «… — EditFast AI» وبتتفتحلك، وتايملاينك الأصلي زي ما هو. والصور والتايتلات اللي على التايملاين بيقولك لو فضلت مكانها بعد القص.

1. افتح معرض الموشن من الشريط اللي على الجنب واتفرّج — كل موشن بالفيديو والبرومبت بتاعه واسم الكريتور اللي عمله.
2. دوس على اللي عاجبك، واكتب تحته عايز تضيف أو تغيّر إيه — اسم قناتك، ألوانك، أو المدة.
3. هتشوف أقصى كريديت ممكن ياخده قبل ما يبدأ، وبعدين دوس اعمل الأنيميشن ده بـ EditFast AI.

بيتعمل بمحرك EditFast على جهازك ويتحط في التايملاين، والكريديت بيتحسب على اللي اتصرف فعلًا بس.

1. افتح صوت استوديو بالـ AI واختار التراك اللي عليه صوتك.
2. دوس حلّل الصوت — ببلاش: بيقيس العلو والدوشة والزنّة والصدى والسين على جهازك، ويقولّك بكلام بسيط.
3. اختار هتنزّله فين (ريلز، يوتيوب، أو بودكاست)، ودوس ظبّط الصوت بـ EditFast AI — وبتسمع قبل وبعد قبل ما يتحط.
4. دوس طبّق: الصوت المتظبط بينزل على تراك صوت لوحده، وصوت الكليب الأصلي بيتقفل بس.

عايز ترجع؟ دوس رجّع الصوت الأصلي — الأصلي عمره ما بيتمسح. ولو عايز تقارن في دافنشي، شغّل الفيديو وبدّل بين قبل وبعد.

1. وقّف المؤشر في دافنشي على فريم الحاجة باينة فيه، وافتح التراكينج.
2. ارسم مربع عليها هي بالظبط، ودوس ابدأ التراكينج — بيمشي وراها فريم بفريم على جهازك.
3. اختار هتعمل بيها إيه: كليب يمشي معاها — حدّد في التايملاين الـ Text+‎ أو الصورة أو اللوجو ودوس طبّق التراكينج على الكليب ده — أو ثبّتها في الكادر والصورة كلها تتحرك حواليها.

الحركة بتتحط في Fusion تقدر تفتحه وتعدّل فيه، وزرار تراجع بيرجّع الكليب زي ما كان. وكله على جهازك من غير كريديت.

1. افتح التايملاين ودوس حلّل — بيسمع الصوت ويلاقي السكتات.
2. ظبط الإعدادات لو حابب (أقل سكتة تتشال، والمسافة قبل وبعد الكلام)، وبص على النتيجة.
3. دوس شيل السكتات — بيعمل نسخة من التايملاين ويقص عليها ويفتحهالك.

الصورة والصوت بيفضلوا مع بعض ومتربطين، وكل كليب بياخد الزووم والصوت والألوان والـ Fusion اللي كانوا عليه.

1. اختار اللغة واللهجة، ودوس فرّغ الكلام.
2. هتلاقي كل الكلام بوقته؛ دوس على أي جملة تروحلها في التايملاين.
3. التفريغ ده هو اللي الكابشن والقص بالكلمة والبحث بيشتغلوا منه.

1. بعد التفريغ، افتح أداة الكابشن.
2. اختار الشكل من الكروت: بسيط، بوكس، عريض، كاريوكي، هايلايت، كلمة ورا كلمة، كلمة لوحدها، نيون — أو تراك ترجمة دافنشي.
3. اختار لون الكلمة اللي بتتقال، ومكان الكابشن (تحت، النص، فوق).
4. دوس اعمل الكابشن — بتنزل على تراك اسمه «EditFast Captions».

كل كابشن Text+‎ تقدر تعدّل كلامه وخطّه من الـ Inspector. ولو عملتهم تاني، القدام بيتشالوا لوحدهم. وزرار ترجم الكابشن بيعمل ملف SRT مترجم جنب الأصلي.

1. في EditFast AI اكتب مثلًا: «لوّن الفيديو» أو «عايزه سينمائي».
2. هيعمل ٣ لوكات للفيديو بتاعك، ودافنشي بيرندر كل واحد، وبتشوفهم صور في الشات جنب الصورة دلوقتي.
3. دوس على اللوك اللي عاجبك (ودوس مطوّل عشان تقارنه بالأصلي)، وبعدين طبّقه على الفيديو.

اللوك بيتحط على أول نود ألوان في كل كليب، على نسخة من التايملاين — والكابشن والجرافيكس مبيتلوّنوش.

1. بحث وماركرز: دوّر على أي كلمة في الفيديو وروحلها، واعمل فصول وماركرز.
2. بي-رول ومؤثرات تلقائية ومؤثرات صوتية: بتنزل على تراكات لوحدها فوق الصورة.
3. كاميرات متعددة: بيقلب بين الكاميرات على اللي بيتكلم، من المايكات.
4. الزووم التلقائي: زووم على الكلام المهم كـ Fusion تقدر تفتحه وتعدّله.
5. ترتيب المشروع والمكتبة الخاصة بيك: الـ Media Pool في فولدرات، وأصواتك ولقطاتك قريبين.